Il-Ministru Provinċjal P. Richard S. Grech. OFM illum jagħlaq 40 sena saċerdot. Huwa ġie ordnat Saċerdot fil-Knisja Arċipretali tal-Madonna tal-Loretu ġewwa Għajnsielem Għawdex.
Matul dawn l-40 sena bħala saċerdot huwa qedha lil Provinċja f’ħafna irwoli fosthom bħal kappillan tal-Parroċċa tas-Sacro Cuor, Sliema, bursar tal-provinċja u ħafna oħrajn, speċjalment f’dawn l-aħħar ħames snin bħala Ministru Provinċjali.
Il-provinċja Franġiskana tirringrazzjaħ ta’ dan iż-żmien kollu ta’ servizz, tawguralu ħafna iżjed snin ta’ ħidma kemm fil-provinċja, kif ukoll mal-poplu ta’ Alla. F’din il-ġurnata speċjali nitolbu għaliħ u nawgurawlu Ad multos annos.
